慢必自爆初戀做小三

慢必初戀：同志立法會議員「慢必」陳志全，喺尋晚播出嘅一個網上電台節目上大談戀愛經歷。佢透露喺大學時嘅樣貌好似已故歌手Danny陳百強，所以當時大學教授或同學都直呼佢做Danny，而佢第一個男朋友正正就係陳百強嘅超級粉絲。



慢必憶述，當年第一次喺沙灘見到個男仔就一見鍾情，結果兩人開始拍拖，但佢初初只係「小三」身份，四年後先做「正印」，最後佢地相愛咗十二、三年，雙方經歷過好多，所以一直認定對方係永遠喺一齊嘅對象，但直至游水教練嘅出現，令佢地嘅關係有所改變。

佢話當時學游水，漸漸就鍾意咗教練，「那時十二月學游水，得十四、五度，因為真係好有動力」，其後兩人仲住埋一齊，但教練並非同性戀者，所以佢只好單戀對方。近年佢曾有個比佢年輕十六年多嘅男朋友，同埋一個一齊咗五年嘅男朋友，佢話九成關係都係佢愛對方多過對方愛佢，因佢太易愛一個人喇，而且認為喺每段關係都唔可以畀自己有後悔嘅機會，所以歌手黃耀明嘅一首曲《我這麼容易愛人》正係佢嘅主題曲喎！fire extinguisher，fire equipment